Kavilok

Gujarati linksGujarati poetsGujarati poemsGujarati articles


કવિ ઉમાશંકર જોશી (Kavi Umashankar Joshi)

(જન્મ : 21-7-1911   બામણા સાબરકાંઠા જિ.
અવસાન           19-12-1988 મુંબાઇ )

                 

ભોમિયા વિના

                      

ભોમિયા વિના મારે ભમવા ‘તા ડુંગરા,

જંગલની કુંજ કુંજ જોવી હતી;

જોવી’તી કોતરો ને જોવી ‘તી કંદરા,

રોતાં ઝરણાંની આંખ લ્હોવી હતી.

                                      

સૂના સરવરિયાની સોનેરી પાળે

હંસોની હાર મારે ગણવી હતી;

ડાળે ઝૂલંત કોક કોકિલાને માળે

અંતરની વેદના વણવી હતી.

                            

એકલા આકાશ તળે ઊભીને એકલો

પડઘા ઉરબોલના ઝીલવા ગયો;

વેરાયા બોલ મારા, ફેલાયા આભમાં,

એકલો અટૂલો ઝાંખો પડ્યો.

                                  

આખો અવતાર મારે ભમવા ડુંગરિયા,

જંગલની કુંજ કુંજ જોવી ફરી;

ભોમિયા ભૂલે એવી ભમવી રે કંદરા,

અંતરની આંખડી લ્હોવી જરી.

                                

ઉમાશંકર જોશી - જીવન ઝાંખી:  On Gujarati Sarswat Parichay (maintained by Sureshbhai Jani)