રાજેન્દ્રભાઇ શુક્લા (Kavi Rajendra Shukla)

Kavi Rajendra Shukla's official website

Rajendra Shukla

 જન્મ: ઓક્ટોબર 12 10/1942

સામાય ધસી જઇયે, આધાંય ખસી જઇયે,
એકાદ મળે ક્ષણ તો ક્ષણમાંય વસી જઇયે.

આમેય વિતાવવાની છે રાત સરોવરમાં,
તો ચાલ કમલદલમાં આ રાત ફસી જઇયે.

એકેક કસોટીમાં છે પાર ઉતરવાનું,
હર શ્વાસ કસોટી છે, એનેય કસી જઇયે.

આ ફીણ તરંગોનાં છે શીખ સમંદરની,
રેતાળ કિનારા પર હેતાળ હસી જઇયે.

ઉત્કંઠ હવામાં છે સંગાથ સુગંઘોનો,
હોવુંય હવે ઉત્સવ, આકંઠ શ્વસી જઇયે.

-
રાજેન્દ્ર શુકલ

 

Click here to listen to above Gazal of Rajendrabhai Shukla, nicely recited by Amar Bhatt.
(Sorry Amarbhai and Rajendrabhai for sharing your creating without your approval. I am just trying to promote wonders of Gujarati literature and also wizards like you.)

Here is one more Gazal by same pair.

 

એ - રાજેન્દ્ર શુકલ

એને રાજી કરવાં સ્હેલ,
રાજી રાખવાં મહામુશ્કેલ.

સાવ સમીપે સતત રહેવું,
છે નકરા ખાંડાંના ખેલ.

સામા પૂરે પડતું મેલ્યું,
ધાર ન જોઇ, ન જોયું તેલ.

પળમાં સન્મુખ થઇ જવાનાં ,
ગમે તેટલાં આઘાં ઠેલ.

મૂલ કરે તો યે મનમન્યું,
ને મનમાન્યા પાડે પ્હેલ.

- રાજેન્દ્ર શુકલ

આ નયનાબેન માટે લખ્યું છે કે ઉપરવાળા ‘એ’ ન માટે તે તો રાજેન્દ્રભાઇ જ કહી શકે !

 

રાજેન્દ્ર શુક્લ - ગઝલ

(આભાર - પંચમ શુકલ)

એવોય કોક સૂરજ કે ઊગવા ન ઈચ્છે,
ના આથમે કદી બહુ ઝળહળ થવા ન ઈચ્છે.

ઊંબર આ એક તડકો આવીને થિર થયો, લ્યો
કાયા જરાય એની લંબાવવા ન ઈચ્છે.

ઝીલી શકો કશું તો સદભાગ્ય એ અચિંત્યું,
વ્હેતો પવન કશુંયે આલાપવા ન ઈચ્છે.

ત્યાંનું ય તે નિમંત્રણ, ત્યાં યે અકળ પ્રતીક્ષા,
ભરપૂરતા અહીંની કયાંયે જવા ન ઈચ્છે.

અભરે ભરાય એવી એકેક ક્ષણ મળી છે,
કોઇ વિશેષ એને છલકાવવા ન ઈચ્છે.

         - રાજેન્દ્ર શુકલા


પરિપ્રશ્ન

        

કીડી સમી ક્ષણોની આ આવજાવ શું છે?

મારું સ્વરૂપ શું છે, મારો સ્વભાવ શું છે?

             

ઋતુઓના રંગ શું છે, ફૂલોની ગંધ શું છે?

લગની, લગાવ, લહેરો - આ હાવભાવ શું છે?

    

લયને ખબર નથી કૈં, આકાર પણ અવાચક,

શું છે રમત પવનની,  ડાળીનો દાવ શું છે?

              

પર્વતને ઊંચકું પણ પાંપણ ન ઊંચકાતી,

આ ઘેન જેવું શું છે, આ કારી ઘાવ શું છે?

             

પાણીની વચ્ચે પ્રજળે, કજળે કળીકળીમાં,

એનો ઈલાજ શું છે, આનો બચાવ શું છે?

               

ચિંતા નથી કશી પણ નમણા નજૂમી, કહી દે,

હમણાં હથેળી માંહે આ ધૂપછાંવ શું છે?

          

ફંગોળી જોઉં શબ્દો ને મૌનને ફગાવું -

નીરખી શકું જો શું છે હોવું, અભાવ શું છે?

                

હર શ્વાસ જ્યાં જઈને ઉચ્છવાસને મળે છે,

સ્થળ જેવુંયે નથી તો ઝળહળ પડાવ શું છે?  

         

રાજેન્દ્ર શુકલ  : જીવન ઝાંખી:  On Gujarati Sarswat Parichay



Announcement:
Public release of well known Gujarati poet
Shree Rajendra Shukla’s ‘Gazal-Samhita’:
a set of 5 books
a work of almost 30 years…..
450 Gujarati Gazals….
in just Rs 300.

The poet himself has not shown any interest in publishing for last 25 years after his second collection of poems in 1981 (Antar Gaandhaar). The close friends and die-hard fans of him have finally managed everything from publishing to public release of his work on 4th Sep 2005 in Gajjar Hall, Ahmedabad.

Let us contribute (invest) a little towards Gujarati and to appreciate the poet’s 30 years of work by purchasing this set. This is really a good set to gift fellow friends and relatives. You may obtain this set from:
Gazal Samhita
SaHraday Prakashan
714, Anand Mangal-3 In
Opp street to Doctors’ House
Ambavadi, Ahmedabad 380006
Phone: 91-79-26861764,
91-79-26404365
Mobile: 91-9898421234, 91-09327022755

 

રાજેન્દ્ર શુક્લ - ગઝલ

એવોય કોક સૂરજ કે ઊગવા ન ઈચ્છે,
ના આથમે કદી બહુ ઝળહળ થવા ન ઈચ્છે.

ઊંબર આ એક તડકો આવીને થિર થયો, લ્યો
કાયા જરાય એની લંબાવવા ન ઈચ્છે.

ઝીલી શકો કશું તો સદભાગ્ય એ અચિંત્યું,
વ્હેતો પવન કશુંયે આલાપવા ન ઈચ્છે.

ત્યાંનું ય તે નિમંત્રણ, ત્યાં યે અકળ પ્રતીક્ષા,
ભરપૂરતા અહીંની કયાંયે જવા ન ઈચ્છે.

અભરે ભરાય એવી એકેક ક્ષણ મળી છે,
કોઇ વિશેષ એને છલકાવવા ન ઈચ્છે.

         - રાજેન્દ્ર શુકલા


 ઈચ્છાની આપમેળ

ઈચ્છાની આપમેળે એણે દડી ઉછાળી,
બહુ એકલો હતો એ ને પાડવીતી તાળી.

મૂળ શબ્દ ઊપન્યો કે તણખો કીઘો અફાળી,
કંઈયે હતું નહીં ત્યાં દીધું બધું ઉજાળી.

કૂંપળ થઈને કોળ્યો, ઝૂલ્યો થઈને ડાળી,
ફલછોડ થઇને આખર મઘમઘ થયો છે માળી.

કરતાઅકરતાબંને છે, ને નથી કશું યે,
વીંટળાઈ ખુદ રહ્યો છે, છે ખુદ રહ્યો વીંટાળી.

અંદર ભરાઈ સઘળે મલકે છે મીઠું મીઠું,
કેવો ગતકડું એનું ખુશ થાય છે નીહાળી.

         - રાજેન્દ્ર શુકલા
(Rajendra Shukla Iichha ni aap maal. Ghazal news in Gujarati. Literature and art site)


Some more poems on Dhaval Shah's Website:

કેવડિયાનો કાંટો
સંગમાં રાજી રાજી
આપણા દુ:ખનું કેટલું જોર ?