પુરુરાજ જોષી
(Kavi Pururaj Joshi)
સમ્પર્ક - આર્ટ્સ એન્ડ કોમર્સ કોલેજ, સાવલી, જિ. વડોદરા- 391 770
જન્મ
- 14, ડીસેમ્બર - 1938, નડિયાદ
કુટુમ્બ
- માતા - સૂરજબા; પિતા- પૂનમભાઇ
- પત્ની - બકુલા ( લગ્ન - 1966, હિન્દીનાં અધ્યાપિકા)
ક્યાં
ઉદાસીનું ધુમ્મસ ખસે છે જ ક્યાં?
પથ્થરનાં ફૂલો હસે છે જ ક્યાં?
ડામરની સડકો ને ચોરસ મકાનો,
શહેરોમાં માણસ વસે છે જ ક્યાં?
અમે ધૂપસળી થઇને સળગી રહ્યાં,
મંદિરની મૂરત શ્વસે છે જ ક્યાં?
નહીં તો ન જીવતો રહ્યો હોઉં હું,
સ્મૃતિઓના સર્પો ડસે છે જ ક્યાં?
- પુરુરાજ જોષી
